fbpx

Rutas de sendeirismo en Porqueira

Rutas de sendeirismo en Porqueira

Rutas de senderismo en Porqueira

Co fin de poñer en valor os recursos máis emblemáticos do municipio, o Concello de Porqueira deseñou unha ruta de sendeirismo para conectalos todos. Con inicio e fin dende a propia casa consistorial, a ruta conforma un total de 12 km de dificultade baixa/media.

O percorrido permítenos ir visitando diferentes recursos salientables, á vez de pasar por diferentes paisaxes e aproveitamentos do solo: dende a igrexa de Santa María de Porqueira, ou o miradoiro da Fervenza, ata a Torre da Forxa, para alcanzar despois a chaira de cultivos e o bosque. Finalmente, pásase á beira da pequena Lagoa de Míllaras e co río Limia nas veigas de Ponteliñares, espazo natural de interese dentro da Rede Natura.

De todos eles destaca sen dúbida a fervenza. A esta chégase moi fácil dende o camiño que pasa a carón da Torre da Forxa, e que pode facer parte dunha ruta circular máis pequena de só 4km.

A altitude máxima chega aos 764 metros sobre o nivel do mar. Punto no que teremos unha magnífica panorámica da chaira da Limia ao norte e dos sinuosos montes de Tourém e Pitões das Júnias.

Localización

Saída e chegada á Casa do Concello de Porqueira.

Coordenadas:

42.01888880495123, -7.847318651594299 HTML tutorial
Ver en Google Maps

Lendas / Historias vencelladas

Rutas de senderismo en Porqueira

Información de interese

Ruta sinxela pero para a que convén estar acostumado a camiñar. Recoméndase levar auga, calzado cómodo e algún material complementario para se orientar se fixera falta. Así mesmo, non deben faltar os prismáticos para poder visualizar algunha ave na veiga. Tamén cómpre valorar cal é a época do ano axeitada. Na primavera e comezos do outono é cando máis contrastes se poden apreciar, acompañados dunhas condicións climatolóxicas máis amables.

No Concello de Porqueira poden solicitar información sobre a sinalización e trazado. Contacto telefónico no número 0034 988 466 102

 

Bibliografía

Descarga

Galería

Scroll ao inicio