De acordo coa súa tradición de cidade de flores, Ponte de Lima mantén dende 2005 unha mostra internacional de xardíns como parte importante da súa simboloxía, identificando xa á vila limiá con este tipo de conmemoración floral. Moitos visitantes acoden cada ano á zona do río para deleitarse cos xardíns, cheos de flores e tamén de connotacións poéticas, musicais ou etnográficas. Pura arte ao alcance de todos, que tamén chegou á vila galega de Allariz, en estreita colaboración con Ponte de Lima.

O festival ten lugar de primavera a outono, e é un evento singular, que cada ano reúne a autores de todo o mundo (especialistas en arte floral e creatividade) en torno a temas que buscan promover o pensamento, a información e a reflexión sobre cuestións ambientais. En 2021, a temática foi sobre as relixións nos xardíns, e o xardín “do diálogo” foi o máis votado, pois ao tratarse tamén dun concurso, escóllese ao preferido entre todos o que o visitan.

Entre o espazo reservado entres os xardíns, hai tamén zona de lecer, parque de xogos infantís e mesmo piscinas, unha para maiores e outra para os máis cativos.