Moi preto de Entrimo, ao carón do río Pacín, foi habilitada unha área recreativa e unha piscina fluvial na que poder refrescarse despois de realizar a ruta de sendeirismo que nos permite visitar  o  conxunto  arqueolóxico  de  Os  Castelos  –  Pía  da  Moura.  Un  dos  mellores  e  máis singulares miradoiros de todo o val do Lindoso.

Esta área de recreo con merendeiro é denominada tamén como “As Perdices”. A praia ten escaleiras para baixar ao treito do río Pacín, encorado. Xunto ao parking, hai un cartel que sinala a senda paralela ao río, de arredor de 1’5km, que leva se continuamos para adiante, ata a Fervenza do Pozo Caído. Cara a estrada pola que viñemos, podemos serpentear xunto ao río para ver as pozas “dos Cirolos”.