Trátase dunha ruta que discorre polas parroquias de Entre Ambos-os-Rios, Germil e Ermida, no concello de Ponte da Barca. Discorre polas ladeiras dos vales onde flúen o río Froufe  e a Ribeira de Carcerelhe (o seu afluente).

Estamos no medio da Serra Amarela, nun territorio pertencente ao Parque Nacional Peneda-Gerês, na marxe esquerda do río Lima. Comeza e remata na igrexa de São Miguel de Entre Ambos-os-Rios (s. XVIII) e lévanos a visitar as localidades de Froufe, Lourido e Ermida. Xusto antes desta última localidade, os 3 últimos km coinciden coa GR 34, Interpretativa da Serra Amarela. Más adiante, a ruta intégrase na GR 1-PTB ata o fin do percorrido. En Froufe, podemos albiscar currais para recoller o gando moi enxebres, típica arquitectura popular.

É unha ruta que nos conquista pola beleza do bosque (entre piñeiros, carballos e xestas), o medio rural da agricultura de subsistencia en socalcos, a arquitectura relixiosa das igrexas, capelas e santuarios. Sen esquecernos dos desfiladeiros do Rio Carcerelhe, o miradoiro da Ermida, etc. En definitiva, un exemplo de tallas rupestres e de impoñentes montañas que dominan estas partes (Serra Amarela e Serra do Soajo)