Veigas de Ponteliñares
Veigas de Ponteliñares
As veigas de Ponteliñares son un espazo protexido como Lugar de Interese Comunitario (LIC declarado dende 2012, dentro da Rede Natura 2000) que forman parte da Zona de Especial Protección de Aves da Limia en terreos de Porqueira e Rairiz de Veiga. Cun total de 1’3 km2, forma parte do complexo húmido do Limia na súa parte central, a camiño cara a raia portuguesa, lembrando a outras áreas protexidas como son a Lagoa de Bertiandos e São Pedro de Arcos, en Ponte de Lima.
Un lugar ideal para a práctica do turismo ornitolóxico ou incluso para a práctica de actividades de sendeirismo e cicloturismo. Existe unha ruta sinalizada de 12 km circulares Esta zona presenta un bo abano de elementos de flora e fauna que son susceptibles de especial protección: dende a anfibia rá patilarga, ata varias ducias de aves, invertebrados, reptís e mamíferos pequenos e peixes como a perca, a troita ou a anguia. Pola súa banda, aparece unha pequena planta (Eryngium viviparum), propia do Noroeste peninsular e afeita ao clima atlántico, moi delicada. A maior parte do humidal está cuberto por xunqueiras.
Localización
Lendas / Historias vencelladas
Información de interese
O acceso é libre, contando con varias rutas sinalizadas a un lado e outro do Río Limia, tanto en terreos do Concello de Rairiz de Veiga como de Porqueira. O lugar é ideal para a práctica do cicloturismo e o visionado de aves.
Encontrámonos nunha zona de alto valor natural pola que débese respectar en todo momento a flora e fauna do lugar. Evitando a contaminación acústica nin deixar lixo e outros desperdicios.
