fbpx

A Casa da Cultura e Xuventude do Concello de Xinzo de Limia acolle ata o 29 de xullo a exposición fotográfica transfronteiriza sobre o río Limia-Lima

Tres fotógrafos ourensáns e tres portugueses documentaron o recorrido do río dende o seu nacemento no Monte Talariño, en Sarreaus, ata a súa desembocadura en Viana do Castelo

A actividade forma parte do proxecto Fronteira Esquecida, cofinanciado polo Fondo Europeo de Desenvolvemento Rexional (FEDER) a través do Programa INTERREG V A España-Portugal (POCTEP) 2014 -2020

A Casa de Cultura e Xuventude do Concello de Xinzo de Limia acolle ata o 29 de xullo a exposición “Fronteira Esquecida. Itinerario Fotográfico Río Limia-Lima.”, coas mellores fotografías dos fotógrafos profesionais que documentaron o itinerario transfronteirizo perfilado, na parte galega, pola Deputación de Ourense a través dos 11 concellos galegos bañados polo río Limia-Lima.

Esta acción está enmarcada dentro do proxecto Fronteira Esquecida, cofinanciado ao 75% polo Fondo Europeo de Desenvolvemento Rexional (FEDER) a través do Programa Interreg V España-Portugal (POCTEP) 2014-2020, cuxo obxectivo principal é potenciar os recursos naturais e culturais do río Limia-Lima, e a súa contorna, e en base a iso crear e desenvolver unha estrutura de xestión e promoción conxunta que potencie o aproveitamento turístico da zona.

Dentro das actividades deste proxecto creouse este itinerario fotográfico que, agora, deriva na exposición “Río Limia-Limia. Caudal de emocións”, e que despois de estar no Centro Cultural Marcos Valcárcel de Ourense chega á Casa de Cultura e Xuventude do Concello de Xinzo de Limia. A mostra itinerante recolle as mellores imaxes do territorio que baña o río Limia-Lima, desde o seu nacemento no Monte Talariño (Sarreaus) ata a súa desembocadura en Viana do Castelo, realizadas por profesionais portugueses -Pedro Cerqueira, Eduardo Pimenta e Miguel Costa- e ourensáns -Paco Rocha, Rosa Veiga e Miguel Souto-.

Scroll to Top