Igrexa localizada na parroquia de San Xes de Vilariño no lugar da Canle, Concello de Lobeira. Trátase dun exemplar de dimensións considerables para o súa localización. De época barroca, constátase como ano da súa construción o 1781.

Conta cunha cabeceira impoñente con respecto a súa nave principal, ademais dunha gran torre de catro corpos. Na súa fachada principal (austera) podemos ver un escudo co anagrama mariano e nunha fornela por enriba del, a representación do patrón do templo: San Xes. Esta imaxe pétrea atópase rodeada de decoración tipicamente barroca (esaxerada e chamativa) a base de estípites, róleos e decoración vexetal.

No seu interior destaca o retablo maior, obra impoñente con dous corpos distribuídos en cinco rúas mediante columnas salomónicas e coroado cun ático. Toda ela constitúe unha boa mostra de arquitectura comarcal con paralelos a ambos lados da fronteira.