A vila máis antiga de Portugal conserva as súas tradicións e exalta a súa historia e o potencial turístico do municipio a través dunha completa rede de museos composta polo:

Centro de Interpretação e Promoção do Vinho Verde. Unha referencia en canto a interpretación do enoturismo, colaboracións, iniciativas vencelladas ao mundo do viño, coa especialidade do famoso viño verde.

Museo dos Terceiros, de arte sacra, dedicado a pór en valor o patrimonio relixioso, a conservación e a súa divulgación. Referente en conferencias de carácter historicista.

Museo do Xoguete portugués, con toda unha serie de exposicións sobre xoguetes tradicionais, con espazo lúdico e pedagóxico.

Centro de Interpretação do Territorio. Espazo de promoción etnográfica de Ponte de Lima, con exposicións de artesanía rexional, talleres de elaboración, actividades de lendas e tradicións…

Centro de Interpretação da História. Militar, No “Paço do Marquês”, conta con recreacións e exposicións históricas, conmemoracións, etc., ligadas a aspectos militares.

Estação do Tempo do Romano. Xunto á ponte romana, este edificio convídanos a unha visita no tempo, no intento de recuperar a historia da época romana, o patrimonio e o legado, vivencias, tesouros… todo aliñado coas novas tecnoloxías.

Museu rural de Ponte de Lima. Inaugurado en 2001, está localizado no Parque Temático do Arnado, dotado de exposicións sobre saberes e artes tradicionais relativas ao liño, o viño, o millo e a cociña, así como unha exposición temporal de pintura.