A infraestrutura está construída sobre o río Limia, unindo os concellos ourensáns de Bande e Muíños.
A Confederación Hidrográfica do Miño Sil (CHMS) iniciou o día 23 de agosto, a restauración do Puente Soutelo, cun prazo de execución das obras de 3 meses.
Esta é unha actuación incluída no Proxecto Europeo do Programa Operativo de Cooperación Transfronteiriza España-Portugal (POCTEP) “Fronteira Esquecida”.
Os traballos, nos que se investirán máis de 150.000 euros, consistirán na rehabilitación da ponte histórica realizada con pilas de pedra, de pequena altura, con cinco ollos e 48,5 metros de longo.
Esta ponte, do que existen referencias do ano 1804, permite atravesar o río Limia, unindo os municipios de Muíños e Bande.
Segundo informa a CHMS, organismo autónomo dependente do Ministerio para a Transición Ecolóxica e o Reto Demográfico (MITECO), “as actuacións previstas conservarán as pilas e estribos de cachotería probablemente orixinais e substituirán os taboleiros, formados actualmente por viguetas e bovedillas, por outros máis adecuados ao seu uso e contorna, con fácil e económico mantemento”.
